proposisjon

Føresegner om behandlingsmåten for kongelege proposisjonar og meldingar står i Stortingets forretningsorden.

Ulikt frå proposisjon er melding til Stortinget (meld. St.), tidlegare kalla stortingsmelding, der regjeringa berre gir ei forklaring eller underretning.

Stortinget var fram til hausten 2009 delt i to avdelingar, Odelstinget og Lagtinget. Lovvedtak blei trefte først i Odelstinget og deretter i Lagtinget, medan andre vedtak, til dømes om statsbudsjettet, blei trefte av det samla Stortinget.

• Forslaga til lovvedtak blei kalla odelstingsproposisjonar (Ot.prp.)
• Andre forslag til vedtak blei kalla stortingsproposisjonar (St.prp.)

Etter stortingsvalet i 2009 blei delinga av Stortinget i odelsting og lagting oppheva, og alle proposisjonar blir no behandla samla av Stortinget.

Det som tidlegare blei kalla odelstingsproposisjon, blir no kalla proposisjon til Stortinget (lovvedtak) (Prop. L), medan dei tidlegare stortingsproposisjonane blir kalla proposisjon til Stortinget (stortingsvedtak) (Prop. S).

• Stortinget
• regjeringa
• Kongen i statsråd

• Hos Regjeringa.no kan du finne proposisjonar til Stortinget
• Stortingets forretningsorden